كله بيقول ملعب النجم صغير و الأهلي لا يجيد اللعب في مثل هذه الملاعب
متفق تماما و لكن الأهلي لا يجيد اللعب امام انبي او حرس الحدود او حتى الزمالك لما كان يعمل نفسه ميت في ملعب بيتروجيت
حقيقة لا شك فيها
و لكن النجم الساحلي اليوم هو من يريد الهجوم و على الأهلي الا يهاجم في البداية الا بتشكيل معين نتحدث عنه فيما بعد
طيب تشكيل الأهلي
فعلا في هذه المباراة تشكيل النادي الأهلي مشكلة
اكرامي طبعا مالوش بديل منك لله يا طارق يا سليمان و ربنا يوفق شريف اكرامي
خط الدفاع
الثلاثة كويسين ربيعة ، سعد سمير ، نجيب
الماتش مافيهوش سرعات لان مافيش مساحات لذلك نجيب ماعندوش اي مشاكل
ربيعة محتاجينه و و نجيب لان ضربات رأسهم جيدة مع هجوم النجم الساحلي
سعد سمير اكثر مدافع في مصر يقدر يسيطر على عمرو مرعي
ربنا يوفق البدري للاختيار الصح
فتحي في اليمين و معلول في الشمال لا شك في ذلك
بس فتحي لازم ياخد واجبات هجومية شوية لان الشغل بتاع النجم حيكون كله من عند معلول
و يجب على فتحي و السولية و هشام محمد تبادل الأدوار شوية ما بين الوسط و الظهير الأيمن ايوه بالظبط كده
لانه رغم تفوق وسط النادي الأهلي منذ أسبوع على الترجي النجم له شكل آخر و معركة الوسط ستكون تكسير عظام
و التيارات ممكن تكون كتير لذلك لازم اللاعيبة ما تثبته كتير
و غالبا فتحي حيلاقي السكة مسدودة في اليمين فيا ريت من دلوقتي يبقى الدخول من العمق و لو دخل معاه الظهير الأيسر للنجم
هشام او السولية يندفع و يرفع
معلش و احنا بنتكلم على الظهيرين دخلنا في خط الوسط و مكملين لان المباراة ملخبطة شوية
النجم عشوائي شوية و ملخبط
مين قدام معلول وليد سليمان من الأول ايوه و يتغير في الشوط الثاني بأي لاعب مهاري سريع وليد مع معلول يستولوا مهمة تربية ظهير الترجي الأيسر القوي بالالتحامات و السباقات التي لن تكون كثيرة و إظهار العين الحمراء بكام فاول كده في الأنكل
مين شاطر فيها وليد يخبط معاه مرة و لا مرتين و يقلب الناحية التانية اليمين
يحيله مين مؤمن من اليمين للشمال بس ده مؤمن عشوائي ما هو النجم برضه عشوائي
و عيد الله السعيد يبدل مع هشام محمد شوية شوية
ده انت لسه بتقول فتحي حيبدل مع خط الوسط أيون أيون و عبد الله السعيد كمان
لا بد ان تقهر عشوائية النجم الساحلي في ملعبه العشوائي
غياب عاشور ربما يكون مفيد للدفع بهشام محمد المهاري و تنبيه باقي تشكيل البداية للواجبات الدفاعية المفروضة عليهم في ظل غياب مسمار الوسط
غياب عاشور ربما يكون مفيد للدفع بهشام محمد المهاري و تنبيه باقي تشكيل البداية للواجبات الدفاعية المفروضة عليهم في ظل غياب مسمار الوسط
طيب المهاجم مين
ازارو الذي لو دخل منطقة جزاء النجم من العمق ثلاث مرات فيه ضربة جزاء للنادي الأهلي ان شاء اللهلان العمق عند النجم الساحلي ضعيف للغاية
كيف يهدف النادي الأهلي امام النجم الساحلي
في الشوط الأول تسديدة من هشام محمد او عبد الله السعيد او ضربة جزاء لو اندفع النجم هجوميا
في الشوط الثاني مع تبديلات المهاريين صالح جمعه و احمد الشيخ ( لو اكتمل شفاءه ) من داخل المنطقة و عن طريق وليد ازارو شخصيا او يصنع لاحد القادمين من الخلف
يبقى جونيور اجايي السؤال الأصعب بالنسبة لي شخصيا يشارك من بداية المباراة و لا ينتظر لآخر نصف ساعة في المباراة خاصة ان هذا الوقت هو الذي سيشهد تفوق النادي الأهلي ميدانيا ان شاء الله على ضوء معطيات مباريات الفريقين السابقة
كيف يكون الأهلي؟
كيف يكون الأهلي؟
فريق الأهلي في الشوط الأول لابد ان يكون مدافع رزل شبه وائل جمعه او وليد سليمان لما بيعمل فاول
تخبيط و فاولات و حاجات شبه كده
الأهلي في الشوط الثاني لابد ان يكون فريق من المهرة سيطرة على الكرة ترقيص باصات و اندفاع في المساحات التي ستخلق لو ربنا سترها معانا بالتعادل او التقدم في الشوط الأول
الأهلي يخاف من ايه
من الكور الثابتة حول المنطقة و من كور الظهيرين التي تلعب من بعد خط الوسط مباشرة و من الوله عمرو مرعي على رأي سعد سمير
الأهلي لو وصل آخر ربع ساعة واقف على رجليه لم يدخل فيه هدف حيكون ان شاء الله خير كبير لان لياقة النجم الساحلي اسوأ من الترجي بكثير و سيكون ربع المباراة الأخير بوابة النادي الأهلي للوصول الى نهائي دوري ابطال افريقيا
نتمنى التركيز من الجميع و ما فيش داعي لهدايانا المجانية لمنافسيها و ربنا يستر
المباراة صعبة جدا
كل الخيارات مفتوحة
و لن نقسو على ا حد الا في حالة حدوث الاخطاء الغريبة و المجانية
و النجم فريق عشوائي و لكنه مهاري جدا رجاء الحذر
المباراة صعبة جدا
كل الخيارات مفتوحة
و لن نقسو على ا حد الا في حالة حدوث الاخطاء الغريبة و المجانية
و النجم فريق عشوائي و لكنه مهاري جدا رجاء الحذر
التحليل الكامل بعد المباراة و ان شاء الله احتفال كبير
