ستانلي فعل و ادارة وادي دجلة المستحيل ليضمه الأهلي قبل الزمالك و بعد الزمالك و ما أداءه امام فريق الأهلي في ختام الدوري الا نوع من العند و اثبات الذات مع ادارة الأهلي الفنية و مجلس ادارته الذين تجاهلوه تماما
المهم ستانلي لاعب فريق القادسية السعودي تقريبا حاليا خرج في لقاء الوداع في احد المحطات التليفزيونية
و سأله المذيع اكثر الاندية المصرية شعبية في نيجيريا
عارفين لو قال الزمالك ماشي مجاملة لطيفة و الزمالك يشارك في اي بطولة أفريقية كل عام لكن لانه يعلم انه ليس الزمالك و انه النادي الأهلي الذي يتجاهله تماما قال الاسماعيلي
الاسماعيلي مين يا بني هو الاسماعيلي اخر مرة لعب في افريقيا سنة كام
طيب كام واحد نيجيري كانوا عايشين لما الاسماعيلي خد بطولة افريقيا
الاسماعيلي ما شافش دوري ابطال افريقيا تقريبا و لا مرة
ليخرج علينا بعدها سعفان الصغير ليقول ان الاسماعيلي اكثر شعبية من الأهلي و المختلط في افريقيا
و ان ستانلي قال الحقيقة
طيب يا حاج سعفان ارتحت ارتحت جامد اخدت التعليق كويس طيب ريحك
ايه الخيبة التقيلة اللي احنا فيها دي و ايه مسئولي الاندية الغير مسئولين دول
عارفين على قد ما بأكره فريق بورسعيد بس باحترم مسئوليه أكتر من أمثال مرتخي و سعفان و الأشكال اللي ابتلى بيها الوسط الرياضي لان تصريحاتهم حتى لو يضمرون عكسها أكثر التزاما ممن سبق ذكرهم
هل فعلا فيه خد بيحاسب على الكلام في مصر
ليه المصريون كلهم فنجرية بق بالشكل ده
فيه ايه يا جدعان
حاجة تقرف و اللهي حتبطلوا الواحد يشجع كورة
ليست هناك تعليقات:
إرسال تعليق